Bloomberg xabariga ko‘ra, kamida uchta Osiyo davlati kutilayotgan narxlarning oshishi fonida qish uchun suyultirilgan gaz (LNG) ta’minotini yo‘lga qo‘yish bilan band.
Hindistonning Gujarat davlat neft korporatsiyasi iyun oyida yozgi narxlarda 20 foiz qo‘shimcha haq evaziga qish uchun suyultirilgan gaz sotib oldi.
Janubiy Koreyaning Korea Gas kompaniyasi qishki mavsum uchun ta’minotni ko‘paytirish imkoniyatlarini ko‘rib chiqayotganini ma’lum qildi. Yaponiya hukumati ham xorijdan yoqilg‘i sotib olishni ko‘paytirish niyatida.
Agentlikning qayd etishicha, odatda yozda qish uchun zaxiralarni yig‘adigan importchilarning harakatlari LNGga bo‘lgan talab taklifdan oshib ketishi haqidagi qo‘rquvni kuchaytirishi mumkin.
Bu Yevropa Rossiyaning LNG’ga qaramligini kamaytirishga urinayotgan bir paytda yuz berdi.
Bloomberg ma’lumotlariga ko‘ra, o‘tgan hafta Shimoliy Osiyo gaz fyucherslari ikki oyning eng yuqori ko‘rsatkichiga ko‘tarilgan, suyultirilgan gazning bozor narxlari esa besh yillik o‘rtacha ko‘rsatkichdan uch baravar ko‘proq.
G‘arb davlatlari Rossiyaning Ukrainadagi harbiy amaliyotiga javoban kiritilgan sanksiyalar doirasida Rossiya energiya resurslaridan voz kechishni boshladi.
Bundan tashqari, Yevropa Ittifoqining beshta davlati Rossiya gazini rublda to‘lashga o‘tishdan bosh tortdi.
Shu sababli “Gazprom”ning shartnoma portfeli taxminan 13 foizga qisqardi.
Rossiya Iqtisodiyot vazirligi neft va gaz sanksiyalari ikki yillik tanazzulga, real ish haqi va daromadlarning pasayishiga olib kelishini taxmin qilmoqda.
Avvalroq Yevropaning Rossiya tabiiy gazini LNG bilan almashtirish rejasi to‘siqlarga uchrayotgani haqidagi xabar berilgandi.
Izoh (0)