Бирлашган Миллатлар Ташкилоти бош котиби Украинадаги уруш туфайли юз миллионлаб одамлар очлик ва қашшоқлик хавфи остида қолиши мумкинлигидан огоҳлантирди, чунки Россиянинг Қора денгизга дон ташиш блокадасини тугатиш бўйича музокаралар тўхтаб қолган.
Россия ва Туркия музокарачилари дунёдаги энг йирик буғдой экспортчиларидан бири бўлган Украинадан озиқ-овқат экспорт қилиш бўйича бир тўхтамга кела олмади.
Бунга Москванинг кемаларни Украинанинг асосий порти Одессадан олиб чиқишга рухсат бермагани ва Киевнинг ҳужумлардан қўрқаётгани асос бўлган.
Украина озиқ-овқат маҳсулотларини экспорт қилишга рухсат бериш тўғрисидаги келишув ривожланаётган мамлакатлардаги, шу жумладан Саҳройи Кабирдан жанубдаги Африкадаги юзлаб миллион одамлар учун жуда муҳим, — деди БМТ бош котиби Антонио Гутерриш.
Унга кўра, уруш мисли кўрилмаган очлик ва қашшоқлик тўлқинини келтириб чиқариш билан таҳдид қилиб, ижтимоий ва иқтисодий тартибсизликларга сабаб бўлди.
Россия, Украина ва Туркия иштирок этган БМТ бошчилигидаги музокараларда донни хавфсиз ташиш ёки Россия ҳукумати Украина қирғоқларига ҳужум қилмаслигини кафолатлаш йўлларини топа олмаганликлари сабаб тўхтаб қолган.
Қўшимча қилинишича, томонлар дон кемаларини суғурта қилиш йўлини ҳам топа олмаган. Бу 20 млн тоннага яқин ғаллани Африка каби экспорт бозорларига олиб чиқишга тўсқинлик қилмоқда.
Украинанинг бу йил кутилаётган 50 млн тонна ҳосили ҳам хавф остида, чунки мамлакатда уни сақлаш учун етарли ҳудуд мавжуд эмас.
Россия ташқи ишлар вазири Сергей Лавров музокаралардан сўнг, агар Украина ўз портларига йўл очса, Москва «вазиятдан фойдаланмаслиги» учун «қандайдир ёки бошқа тарзда» кафолат беришга тайёрлигини айтди. Украина асосий порт шаҳри Одесса ва унга яқин ҳудудларни Россия ҳужумидан ҳимоя қилиш учун Қора денгиз соҳилларини миналаштирди.
Аммо Киев қирғоқ чизиғини ҳимоя қилиш учун кўпроқ ғарб қуролларини ва экспорт йўлларини учинчи томон, эҳтимол Туркиянинг денгиз флоти томонидан назорат қилинишини истайди.
20 миллион тонна ғаллани Украинадан қандай олиб чиқиш мумкинлиги ҳақида хабар берилган эди.
Изоҳ (0)