Neft narxi 122 dollardan oshdi. Bu O‘zbekistonga qanday ta’sir qiladi?

West Texas Intermediate fyucherslari bir barrel uchun 122 dollardan oshdi va so‘nggi uch oydagi eng yuqori darajaga yetdi. Bu haqda Bloomberg xabar berdi.

Oklaxoma shtatining Kushing shahridagi mamlakatning eng yirik omboridagi zaxiralar o‘tgan haftada 1,59 mln barrelga kamaydi. Talab oshgan paytda benzin zaxiralari kamaydi.

Bu hafta davlat inventarizatsiyasi hisoboti benzinga bo‘lgan talabning o‘rtacha 5 yillik ko‘rsatkichga ko‘tarilganini ko‘rsatdi, — dedi CIBC Private Wealth Management kompaniyasining katta energiya treyderi Rebekka Babin.

Narxlar avvalroq Xitoy iqtisodiyoti tiklanayotgani haqidagi signallarga ko‘ra ko‘tarildi. Xitoyda talabning yaxshilanishi xom neft narxining o‘sishi davom etishini anglatadi.

Yoz boshida neft mahsulotlari zaxiralarining qisqarishi jiddiy ta’minot holatidan dalolat beradi. To‘rt haftalik o‘rtacha benzin talabi yozgi haydash mavsumining boshlanishidan beri birinchi marta kuniga 9 mln barrelgacha ko‘tarildi.

Talab ortib bormoqda, hatto mamlakatda rekord darajada yuqori bo‘lgan benzinning o‘rtacha narxi bir gallon uchun 5 dollarga yaqinlashmoqda.

Dizel narxi benzinga qaraganda tezroq o‘sib bormoqda. Butun dunyo Yevropada eng ko‘p ishlatiladigan neft mahsulotini yetkazib berish uchun AQSHga tayanadi.

Yevropa Ittifoqining yaqin oylarda Rossiyadan qayta ishlangan neft mahsulotlarini sotib olishni taqiqlash chorasi yoqilg‘i inqirozini kuchaytirmoqda.

Neftning jahon narxlari O‘zbekistonga qanday ta’sir qiladi?

Jahon bozorida neft mahsulotlarining oshishi O‘zbekistonda ham benzin narxining biroz qimmatlashishiga olib kelishi mumkin.

Eng kuchli ta’sir import xomashyosidan ishlab chiqariladigan Ai-91, Ai-92, Ai-95 markalaridagi benzinga nisbatan kuzatiladi.

Toshkent shahridagi “O‘zbekneftgaz”ga tegishli avtomobillarga yonilg‘i quyish shoxobchalarida Ai-80 markali benzin narxi ko‘tarilib, 6 800 ga chiqdi. Bu 2021-yil dekabr oyidan beri benzin narxining birinchi marta oshishi bo‘ldi.

O‘zbekistonda benzin narxlarining ko‘tarilishiga jahon bozoridagi Brent markali neft narxlarining o‘sishi o‘z ta’sirini o‘tkazgan. Lekin aksiz soliq stavkalarining o‘zgarishi tufayli aholi uchun benzinning chakana narxlari o‘zgarishsiz qoldi.

Bugungi kunda AQSHda benzin rekord darajada qimmatlagan, Yevropa davlatlari, jumladan, Germaniya, Shvetsiya, Niderlandiya, Islandiya, Gretsiya, Daniya, Finlyandiya, Norvegiya, Belgiyada bir litr benzin narxi 2,242-2,564 AQSH dollarini tashkil etib, narxlar oshishi davom etmoqda.