Yevropa iqtisodiyoti urushga qaramay, kutilganidan ham ko‘proq o‘sdi

Yevropa iqtisodiyoti 2022-yil boshida taxmin qilinganidan ko‘proqqa o‘sdi. Bu haqda Bloomberg xabar bermoqda. 

Iqtisodiy o‘sish asosan savdo bilan bog‘liq bo‘ldi. Birinchi chorakda ishlab chiqarish avvalgi uch oyga nisbatan 0,6 foizga o‘sdi.

Eurostat’ning ma’lum qilishicha, Yevropada bandlik 0,6 foizga oshgan bo‘lsa ham, iste’mol 0,7 foizga kamaydi.

19 a’zodan iborat valyuta bloki — yevro qarama-qarshi kuchlarga duch kelmoqda. Bunga COVID-19 cheklovlari yumshatilganidan keyin Rossiyaning Ukrainadagi urushi boshlangani sabab bo‘lmoqda. 

Uy xo‘jaliklari va kompaniyalar narxlar ko‘tarilishidan aziyat chekayotgan bo‘lsa-da, xizmatlar sohasi kuchli talabni ko‘rmoqda va turizm ajoyib yoz mavsumiga tayyorlanmoqda.

Yevropa Markaziy banki amaldorlarini rag‘batlantirishni to‘xtatishga undamoqda. Bank tomonidan foiz stavkalarining o‘n yildan ko‘proq vaqt ichida birinchi marta oshishi iyul oyida kuzatilishi mumkin. 

Yevropa Markaziy banki payshanba kuni yangi iqtisodiy prognozlarni taqdim etadi.

Avvalroq Yevropada inflyatsiya rekord darajaga yetgani haqida xabar berilgan edi.