AQSH Vakillar palatasi qurol nazorati to‘g‘risidagi qonun loyihalarini qabul qildi. Qonun loyihasi Buffalo (Nyu-York) va Yuvalda(Texas)da sodir etilgan ommaviy otishmalardan keyin joriy qilingan edi.
“Farzandlarimizni himoya qilish to‘g‘risida”gi qonun deb nomlangan paketning qabul qilinishini 223 kishi yoqlagan, 204 kishi qarshi ovoz bergan va bir respublikachi betaraf qolgan.
Qonun loyihalarida yarim avtomatik qurol sotib olishning minimal yoshini 18 yoshdan 21 yoshga ko‘tarish nazarda tutilgan. Bundan tashqari, sig‘imi 15 ta patrondan ortiq o‘qdonlardan fuqarolarning foydalanishi taqiqlanadi.
Shuningdek, qonun turar joy binolarida o‘qotar qurollarni saqlashni tartibga soluvchi talablarni belgilaydi va ularni buzganlik uchun jinoiy javobgarlikni nazarda tutadi.
Endi qonun loyihalari paketi ovoz berish uchun Senatga yuborilishi kerak, u yerda paketni qabul qilish uchun 60 kishining ovoz kerak bo‘ladi.
May oyi o‘rtalarida qurollangan o‘smir Buffalo supermarketida otishma sodir etgan edi, oqibatda 10 kishi halok bo‘lgan, yana uch kishi yaralangan. Ikki haftadan kamroq vaqt o‘tgach, yana bir o‘smir Yuvaldadagi boshlang‘ich maktabda otishma sodir etib, 21 kishining o‘limiga sababchi bo‘ldi, ulardan 19 nafari bolalar edi. Ikkala hujumchi ham 18 yoshda edi.
Izoh (0)