Ispaniya janubida davom etayotgan o‘rmon yong‘inlari munosabati bilan 3000 ga yaqin odam evakuatsiya qilindi, yong‘inlarni bartaraf qilish uchun esa 1000 ga yaqin o‘t o‘chiruvchi yuborildi, deb xabar bermoqda “Interfaks”.
Yong‘in 8-iyun kuni Andalusiya avtonom jamoatchiligidagi Puxerra tog‘ yonbag‘irlarida boshlangan. Kun oxirida rasmiylar aholini evakuatsiya qilishni boshladi, odamlar Malaga provinsiyasining beshta tumanidan olib chiqildi, ularning aksariyati qarindoshlarinikiga yoki mehmonxonalarga joylashtirildi.
Yong‘inga qarshi kurashda uch nafar o‘t o‘chiruvchi tan jarohati oldi, ulardan biri og‘ir kuyish jarohatlari bilan Malaga shifoxonasiga yetkazildi.
Rasmiylarning bildirishicha, yirik hodisalar yuz berganda fuqarolik kuchlariga yordam berish vazifasi yuklangan harbiy favqulodda vaziyatlar bo‘linmasi hududga 233 nafar askar va 80 dan ortiq texnikasini jo‘natgan.
Ispaniyaning AEMET ob-havo xizmati mamlakatga kuchli jazirama to‘lqini kelishini ma’lum qilgan: prognozlarga ko‘ra, havo harorati Selsiy bo‘yicha 30 darajadan oshadi va dam olish kunlarida ham ko‘tarilishda davom etadi.
Izoh (0)