Ukraina harbiylari Rossiyaning chegara hududlarini Amerikaning M777 gaubitsalari bilan o‘qqa tutmoqda, deya xabar berdi Rossiya Mudofaa vazirligi matbuot xizmati.
“Xarkov viloyatidagi Zolochyev elevatori (maxsus jihozlarga ega don ombori) hududiga Ukraina qurolli kuchlari bo‘linmalari G‘arb tipidagi artilleriya qismlarini (taxminan AQShning M777 gaubitsalarini) joylashtirdi. Ular orqali Rossiyaning Ukrainaga chegaradosh viloyatlarini o‘qqa tutilmoqda” — deyiladi xabarda.
Bir kun avval, 6-iyun kuni Donetsk xalq respublikasi rahbari Denis Pushilin Ukraina qo‘shinlari DNRning turar joy mavzelarini o‘qqa tutish uchun Kiyevga yetkazib berilgan AQSh qurollari, xususan, M777 gaubitsalaridan foydalanayotgani haqida xabar bergan edi.
M777 gaubitsasi 1990-yillar oxirida ishlab chiqarilgan o‘ta yengil qurol bo‘lib, AQSh, Hindiston va boshqa bir qator mamlakatlar armiyasida mavjud. U G‘arb qo‘shinlari orasida mashhur, chunki ushbu qurol mobil urush uchun mos keladi va havo orqali osongina tashiladi.Rossiya Mudofaa vazirligining iddao qilishicha Ukraina qurolli kuchlair bo‘linmalari DXRdagi Novoekonomik posyolkasi va Sumi viloyatidagi Novovasilevka qishlog‘iga ham og‘ir zirhli texnikalar, yirik kalibrili artilleriya va reaktiv o‘t ochish tizimlarini joylashtirgan.
May oyi oxirida Rossiya Xavfsizlik kengashi raisining o‘rinbosari Dmitriy Medvedev Rossiya hududi o‘qqa tutilgan taqdirda mamlakat qurolli kuchlari “Kiyevga emas”, balki ushbu “jinoiy qarorlar” qabul qilingan markazlarga zarba berishi mumkinligini aytgandi.
Mavzuga doir:
- Shoygu Severodonetskdagi turar joy mavzelari “to‘la ozod qilingani” haqida bayonot berdi. Ukraina rasmiylari esa shahar uchun jang davom etayotganini aytdi
- AQSH 50 nafar ukrainalik harbiyni Amerika gaubitsalaridan foydalanishga o‘rgatishni boshladi
- Oq uy Rossiyaning Ukrainaga qurol berishni to‘xtatish haqidagi talabini “quruq tahdid” deb atadi
Izoh (0)