Украина ҳарбийлари Россиянинг чегара ҳудудларини Американинг М777 гаубицалари билан ўққа тутмоқда, дея хабар берди Россия Мудофаа вазирлиги матбуот хизмати.
«Харьков вилоятидаги Золочев элеватори (махсус жиҳозларга эга дон омбори) ҳудудига Украина қуролли кучлари бўлинмалари Ғарб типидаги артиллерия қисмларини (тахминан АҚШнинг М777 гаубицаларини) жойлаштирди. Улар орқали Россиянинг Украинага чегарадош вилоятларини ўққа тутилмоқда» — дейилади хабарда.
Бир кун аввал, 6 июнь куни Донецк халқ республикаси раҳбари Денис Пушилин Украина қўшинлари ДНРнинг турар жой мавзеларини ўққа тутиш учун Киевга етказиб берилган АҚШ қуроллари, хусусан, М777 гаубицаларидан фойдаланаётгани ҳақида хабар берган эди.
М777 гаубицаси 1990 йиллар охирида ишлаб чиқарилган ўта енгил қурол бўлиб, АҚШ, Ҳиндистон ва бошқа бир қатор мамлакатлар армиясида мавжуд. У Ғарб қўшинлари орасида машҳур, чунки ушбу қурол мобил уруш учун мос келади ва ҳаво орқали осонгина ташилади.Россия Мудофаа вазирлигининг иддао қилишича Украина қуролли кучлаир бўлинмалари ДХРдаги Новоэкономик посёлкаси ва Суми вилоятидаги Нововасилевка қишлоғига ҳам оғир зирҳли техникалар, йирик калибрили артиллерия ва реактив ўт очиш тизимларини жойлаштирган.
Май ойи охирида Россия Хавфсизлик кенгаши раисининг ўринбосари Дмитрий Медведев Россия ҳудуди ўққа тутилган тақдирда мамлакат қуролли кучлари «Киевга эмас», балки ушбу «жиноий қарорлар» қабул қилинган марказларга зарба бериши мумкинлигини айтганди.
Мавзуга доир:
- Шойгу Северодонецкдаги турар жой мавзелари «тўла озод қилингани» ҳақида баёнот берди. Украина расмийлари эса шаҳар учун жанг давом этаётганини айтди
- АҚШ 50 нафар украиналик ҳарбийни Америка гаубицаларидан фойдаланишга ўргатишни бошлади
- Оқ уй Россиянинг Украинага қурол беришни тўхтатиш ҳақидаги талабини «қуруқ таҳдид» деб атади
Изоҳ (0)