Qozog‘iston konstitutsiyasiga 5-iyun kungi referendumda mamlakat fuqarolari tomonidan qo‘llab-quvvatlangan o‘zgartirish va qo‘shimchalar kuchga kirdi. Referendum natijalari to‘g‘risidagi rasman e’lon qilindi, deb yozmoqda Tengrinews.
Konstitutsiyaga o‘zgartirish va qo‘shimchalar kiritish to‘g‘risidagi qonun 8-iyun kuni “Qozog‘iston haqiqati” gazetasida e’lon qilindi. Referendumda saylash huquqiga ega 11 734 642 nafar fuqarodan 7 985 769 nafari ovoz bergan. Saylovchilarning ishtiroki 68,05 foizni tashkil etgan.
Shundan saylovchilarning 77,18 foizi (6 163 516 kishi) konstitutsiyaga o‘zgartirishlar kiritishni yoqlab ovoz bergan. O‘zgartirishlarga qarshi 18,66 foiz (1 490 470 kishi) ovoz berilgan. Saylov byulletenlarining 2,58 foizi haqiqiy emas deb topildi. Ovozlarni sanab chiqishda byulletenlarning 1,58 foizi hisobga olinmagan.
Qozog‘iston konstitutsiyasiga kiritilgan asosiy o‘zgarishlar:
- Qozog‘iston super-prezidentlik boshqaruv shaklidan kuchli parlamentga ega prezidentlik boshqaruviga o‘tmoqda.
- yerusti va yerosti boyliklari, suv, o‘simlik va hayvonot dunyosi, boshqa tabiiy boyliklar xalqqa tegishlidir.
- Prezidentning yaqin qarindoshlari siyosiy davlat xizmatchilari, kvazidavlat sektori subyektlari rahbarlari lavozimlarini egallash huquqiga ega emas.
- qozog‘istonliklar mustaqil ravishda Konstitutsiyaviy sudga murojaat qilishi mumkin.
- o‘lim jazosi taqiqlangan. Insonni o‘zboshimchalik bilan yashashdan mahrum qilishga hech kimning haqqi yo‘q.
- majlisning deputatlik korpusi aralash saylov tizimi bo‘yicha tuziladi.
- senatdagi prezidentlik kvotasi qisqartiriladi, Qozog‘iston xalq assambleyasining majlisdagi kvotasi bekor qilinadi.
- Majoritar tizim deputatni saylovchilarning iltimosiga binoan chaqirib olishga imkon beradi.
- Birinchi prezidentning alohida o‘rni va imtiyozlari to‘g‘risidagi bandlar chiqarib tashlandi.
Referendum o‘tkazilgan deb topilishi uchun unda ishtirokchilar ro‘yxatiga kiritilgan fuqarolarning yarmidan ko‘pi ishtirok etishi lozim bo‘lib, 6-iyun, soat 14:00 holatiga ko‘ra, saylovda ishtirok etish chegarasiga erishilgan.
Izoh (0)