Qozog‘istonda rasman uchta yangi viloyat tashkil topdi, deb yozadi Tengrinews. Mamlakat prezidenti 4-mayda imzolagan, yangi hududlarni tashkil qilish to‘g‘risidagi farmon 8-iyun kuni rasman kuchga kirdi.
Ulitau viloyati — hududiy jihatdan eng yiriklaridan biri, ammo ikkita tuman — Janaarka va Ulitau hamda uchta shahar — Jezkazgan, Karajal va Satpayevdan iborat. Jezkazgan — mis sanoati markazi – viloyatning ma’muriy markaziga aylandi. Yangi viloyatning aholisi soni qariyb 226 ming kishini tashkil etishi kerak.
Abay viloyati Sharqiy Qozog‘iston viloyatidan ajratib olingan. Sovet davrida uning hududida Semipalatinsk viloyati joylashgan edi. Hudud poytaxti sifatida Semey shahri belgilandi. Viloyatga sakkizta tuman (Aksuat, Abay, Ayagoz, Beskaragay, Borodulixa, Jarma, Kokpekti, Urjar) va ikkita shahar (Semey va Kurchatov) kirdi. Viloyat aholisi soni taxminan 640 ming kishiga teng bo‘lishi kerak.
Almati viloyati tarkibidan ajratib olingan Jetisu viloyati mamlakatdagi eng ko‘p aholiga ega viloyatlardan biriga aylandi. U yerda qariyb 650 ming kishi yashaydi. Viloyat ma’muriy markazi Almati viloyatining sobiq markazi — Taldikorganda joylashdi. Viloyat sakkizta tuman va ikkita shaharni o‘z ichiga oldi, bular — Aksu, Alakol, Yeskeldi, Karatal, Kerbulak, Koksu, Panfilov, Sarkand tumanlari hamda Taldikorgan va Tekeli shaharlari.
Shu tariqa, Qozog‘iston viloyatlari soni 17 taga yetdi.
Izoh (0)