Ertaga, 8-iyundan boshlab Qozog‘iston bilan chegarani kesib o‘tishda koronavirusga nisbatan PZR-testning manfiy natijasini yoki emlanganlik to‘g‘risidagi ma’lumotnomani taqdim etish kerak bo‘lmaydi. Bunday qaror mamlakatda COVID-19 tarqalishiga yo‘l qo‘ymaslik bo‘yicha idoralararo komissiya tomonidan qabul qilindi, deb yozadi “Kommersant”.
Komissiya yig‘ilishi Qozog‘iston bosh vaziri o‘rinbosari Yerali Tugjanov raisligida bo‘lib o‘tdi. Mamlakatga kirib keluvchilar uchun qoidalarni yumshatishga epidemiologik vaziyat barqarorlashgani sababli qaror qildi. Shuningdek, Qozog‘istonda 8-iyundan boshlab vaqtincha yopiq turgan 12 ta avtomobillarni o‘tkazish punkti ishini davom ettiradi.
Qozog‘istonda pandemiya boshidan buyon 1,3 million kishi koronavirusga chalingan, shularning 19 mingdan ziyodi vafot etgan. So‘nggi bir kecha-kunduzda o‘n kishida kasallik aniqlangan.
11-apreldan boshlab Qozog‘istonning O‘zbekiston, Qirg‘iziston va Rossiya bilan quruqlikdagi chegara o‘tkazuv punktlarida fuqarolarning chegarani kesib o‘tishiga nisbatan kiritilgan cheklovlar olib tashlangandi. O‘zbekiston va Qozog‘iston o‘rtasidagi temiryo‘l qatnovi esa 15-maydan tiklandi.
Mavzuga doir:
- Qozog‘istonda bir kunda koronavirusga chalinganlar soni bo‘yicha antirekord qayd etildi. Mamlakatda karantin kuchaytirildi
- Nursulton Nazarboyevning to‘ng‘ich qizida koronavirus aniqlandi
- Qozog‘istonda koronavirusning yangi Eta shtammi aniqlandi, Turkmaniston COVID-19 ga qarshi kurashga 46 mln dollar sarfladi. Markaziy Osiyo koronaxabarlari
Izoh (0)