Gruziya Vazirlar Mahkamasi a’zolari respublika prezidenti Salome Zurabishviliga qarshi Konstitutsiyaviy sudga da’vo arizasi bilan murojaat qildi. Bu haqda hukumat matbuot xizmatiga tayanib, “Mk.ru” xabar berdi.
Vazirlar Mahkamasi rahbari Revaz Javelidzening so‘zlariga ko‘ra, Konstitutsiyaviy sudga murojaat qilishga prezidentning bir qator mamlakatlardagi elchilarni hukumat taklifi asosida tayinlashdan bosh tortgani sabab bo‘lgan. Vazirlar Mahkamasi ma’lumotlariga ko‘ra, elchilarni tayinlash va ularni lavozimidan ozod etish Gruziya prezidentining konstitutsiyaviy vakolatlariga kirmaydi.
“Gruziya hukumati elchilar va diplomatik vakolatxonalar rahbarlarini tayinlash va lavozimidan ozod etish bo‘yicha prezident va hukumat o‘rtasidagi vakolatlarning taqsimlanishi bo‘yicha konstitutsiyaviy shikoyatga aniqlik kiritishni so‘raydi”, — deyiladi da’vo arizasida.
Avvalroq Qirg‘izistonning sobiq prezidenti Almazbek Atambayevga yangi ayblovlar qo‘yilgani, uning Qo‘y-Tosh qishlog‘idagi qarorgohi davlat foydasiga musodara qilingani haqida xabar berilgandi.
Shuningdek, Peru prezidenti jinoiy hamjamiyat tuzishda gumon qilinayotgani xabar qilingan.
Mavzuga doir:
Izoh (0)