Donbassdagi yong‘inlar va vayron qilingan ko‘prik. Urushning 103-kunidan fotoreportaj
Urushning 103-kuni o‘tdi. Rossiya Severodonetsk va Lisichanskni to‘liq egallashga urinishda davom etmoqda, biroq Ukraina armiyasi front chizig‘ini ushlab turibdi, dedi Lugansk viloyati rahbari Sergey Gayday. Ukraina Tashqi ishlar vazirligi Kiyev janglar tugaganidan keyin rossiyalik harbiy asirlarni ozod qilishga tayyorligini, biroq ularni javobgarlikka tortish huquqini o‘zida qoldirishini aytdi. Rossiya halok bo‘lgan “Azovstal” himoyachilarining jasadlarini Ukrainaga topshirishni boshladi: Associated Press xabariga ko‘ra, o‘nlab jasadlar Kiyevga yetkazilgan. Meduza urushning 103-kuniga oid asosiy suratlarni to‘pladi.
Donetsk
O‘t o‘chiruvchilar Rossiyaning hujumidan keyin yonib ketgan omborda olovni o‘chirmoqda. Surat Aleksandr Yermochenko tomonidan olingan (Reuters) — bu uning jangovar harakatlarda jarohat olganidan keyingi ilk kadrlaridan biri: fotograf 3-iyun kungi o‘qqa tutishlarda hamkasbi operator Pavel Klimov bilan birga yaralangan. Ularning haydovchisi vafot etgan.Foto: Reuters
O‘t o‘chiruvchi Donetskda yonayotgan ombor yonida. DXR rasmiylariga ko‘ra, kun davomida Ukraina qurolli kuchlari Donetsk va qo‘shni Makeyevkani o‘qqa tutgan.Foto: Reuters
Donbass shimoli
Rossiya kuchlari nazorati ostidagi Liman shahriga olib boruvchi ko‘prik vayron qilingan.Foto: AFP
Donetsk viloyatidagi Ukraina tanki. Asosiy janglar hozir Donbassda kechmoqda: rus qo‘shinlari Severodonetsk va Lisichanskga hujum qilmoqda, Ukraina armiyasi front chizig‘ini ushlab turibdi.Foto: AP Photo
Ukrainalik harbiy bombardimon vaqtida panaga qochmoqda.Foto: AFP
Lisichanskdagi maktab o‘qqa tutilib vayron bo‘ldi. Vladimir Zelenskiy o‘zining kechki nutqida shaharni hozirgi urushning eng qaynoq nuqtalaridan biri deb atadi.Foto: Getty Images
Ukraina harbiylari shox-shabbalar bilan tankning ustini bekitmoqda.Foto: AP Photo
Front chizig‘i yaqinida Ukraina harbiylari gaubitsa uchun snaryadlarni tayyorlamoqda.Foto: Reuters
Gaubitsadan o‘t ochish jarayoni.Foto: Reuters
Soledar yaqinidagi dala maydonida ishlayotgan fermerlar — bu shahar Severodonetskda Rossiya armiyasiga qarshi turgan ukrainalik harbiylar ta’minoti o‘tadigan yagona yo‘l bo‘yida joylashgan. Soledarning o‘zi ham doimiy ravishda zarbalarga uchramoqda.Foto: AP Photo
46 yoshli Natalya Tishchenko 7 yoshli o‘g‘li Yaroslav bilan. Oila ikki oydan buyon Donetsk viloyatidagi Velikaya Novoselka posyolkasida bombapanagohda yashamoqda. Ularning uyi aviazarbalar oqibatida vayron bo‘lgan.Foto: Getty Images
Kiyev viloyati
Bombardimon qilingan Mostishche qishlog‘ida mashinasining qoldiqlarini ko‘zdan kechirayotgan kishi.Foto: AP Photo
Gorenka qishlog‘ida vayron qilingan ibodatxona hududini tozalash bilan shug‘ullanayotgan ayol dam olmoqda. Rossiya armiyasi qishloqqa kirmagan, ammo uni o‘qqa tutgan: bu yerda 600 ga yaqin uy ta’mirga muhtoj.Foto: AP Photo
Xarkov
Qabrga o‘rnatiladigan xochni olib ketayotgan kishi.Foto: Reuters
Izoh (0)