Portugaliya sog‘liqni saqlash xizmatlari mamlakatda maymunchechak bilan kasallangan 153 kishini ro‘yxatga oldi, deb yozmoqda “Interfaks”.
Qayd etilishicha, kasallikning barcha holatlari erkaklarda aniqlangan, aksariyat holatlar Lissabonda qayd etilgan.
Avvalroq Jahon sog‘liqni saqlash tashkiloti maymunchechak virusining odamlar orasida tarqalishi bilan bog‘liq vaziyat pandemiya darajasiga yetmasligini ma’lum qilgandi. “Aniq bilmaymiz, lekin bunday bo‘ladi, deb o‘ylamaymiz”, — dedi JSST chechak dasturi kotibiyati rahbari Rozamund Lyuis maymunchechak pandemiyaga aylanishi mumkinmi degan savolga.
Maymunchechak kam uchraydigan yuqumli kasallik bo‘lib, Markaziy va G‘arbiy Afrikaning chekka hududlarida keng tarqalgan. Uning belgilari — ko‘ngil aynishi, isitma, toshma, qichishish va mushak og‘rig‘i. Mintaqadan tashqaridagi holatlar ko‘pincha epidemiologik jihatdan noqulay hududlarga sayohat qilish bilan bog‘liq. Virus kontakt orqali yuqadi, ammo uning tarqalish xususiyati past.
Izoh (0)