Tesla kompaniyasining bosh ijrochi direktori Ilon Mask seshanba kuni masofada ishlovchi xodimlarni ofisga qaytishi yoki ishdan ketishi kerakligini ma’lum qildi. Bu haqda Bloomberg xabar bermoqda.
Dunyoning eng boy odami masofadan ishlashni xohlaydigan har bir kishi haftasiga kamida 40 soat ofisda bo‘lishi yoki ketishi kerakligini aytdi.
Maskning xodimlarga nisbatan talabchanlik bilan munosabatda bo‘lishi birinchi marta kuzatilmayapti.
Mask Twitter kompaniyasini sotib olish bo‘yicha kelishuvga erishishidan taxminan ikki hafta oldin, Silikon vodiysi venchur kapitalisti va tadbirkor Keyt Rabois o‘z do‘stining boshqaruv uslubi haqidagi anekdotni retvit qilgan edi.
Space X kompaniyasida Mask bir safar kofe ichish uchun navbatda turgan bir guruh stajyorlarni payqab qoldi. Dunyoning eng boy odami buni mahsuldorlikka haqorat sifatida qaradi.
Mask agar bu yana takrorlansa, barcha stajyorlarni ishdan bo‘shatish bilan tahdid qilgan va ularning tartibini nazorat qilish uchun xavfsizlik kameralari o‘rnatilgan.
Rabois aprel oyida doimiy masofadan ishlashga ruxsat beruvchi eng taniqli kompaniyalardan biri bo‘lgan Twitter xodimlarini ‘‘uyg‘onish’’ arafasida deb yozgan edi.
Avvalroq Mask, Bezos va Geyts yil boshidan beri 115 milliard dollar yo‘qotgani haqida xabar berilgan edi.
Izoh (0)