Toshkent timsollaridan biri hisoblangan “O‘zbekiston” mehmonxonasi 2022-yilning birinchi chorakni 124,6 million so‘m zarar bilan yakunladi. Bu Davlat aktivlarini boshqarish agentligi (DABA) ma’lumotlarida qayd etilgan.
2020-yilda mehmonxonaning davlat ulushi Singapurning Bashan Capital Pte kompaniyasiga sotilgan edi.
Kompaniya ikki yil ichida 23,2 million dollar, 1,5 yilda esa 100 milliard so‘m sarmoya kiritilishi kerak edi.
Yaqinda bu shartlarni bajarish muddati o‘z nihoyasiga yetadi, ammo DABA ma’lumotlariga ko‘ra, mehmonxona hali ham 80,1 foizga davlatga tegishli. Bundan kelib chiqadiki, mehmonxona ko‘rgan zarar ham davlat hisobidan.
Mehmonxona sotuvi haqidagi 2020-yildagi xabar agentlik saytidan olib tashlangan, biroq Telegram kanalidagi post saqlanib qolgan.
Bundan tashqari, Bashan Capital Pte internetdagi ma’lumotlarga ko‘ra bir necha yil davomida hisobotlarni e’lon qilmagan va uning manzilida yana 500 ta kompaniya ro‘yxatdan o‘tgan.
“Daryo” Davlat aktivlarini boshqarish agentligiga murojaat bilan chiqdi va hozirda javob kutmoqda.
Avvalroq O‘zbekistondagi eng yirik tashuvchilardan birini xususiylashtirish jarayoni boshlangani haqida xabar berilgan edi.
Izoh (0)