Tesla компаниясининг бош ижрочи директори Илон Маск сешанба куни масофада ишловчи ходимларни офисга қайтиши ёки ишдан кетиши кераклигини маълум қилди. Бу ҳақда Bloomberg хабар бермоқда.
Дунёнинг энг бой одами масофадан ишлашни хоҳлайдиган ҳар бир киши ҳафтасига камида 40 соат офисда бўлиши ёки кетиши кераклигини айтди.
Маскнинг ходимларга нисбатан талабчанлик билан муносабатда бўлиши биринчи марта кузатилмаяпти.
Маск Twitter компаниясини сотиб олиш бўйича келишувга эришишидан тахминан икки ҳафта олдин, Силикон водийси венчур капиталисти ва тадбиркор Кейт Rabois ўз дўстининг бошқарув услуби ҳақидаги анекдотни ретвит қилган эди.
Space Х компаниясида Маск бир сафар кофе ичиш учун навбатда турган бир гуруҳ стажёрларни пайқаб қолди. Дунёнинг энг бой одами буни маҳсулдорликка ҳақорат сифатида қаради.
Маск агар бу яна такрорланса, барча стажёрларни ишдан бўшатиш билан таҳдид қилган ва уларнинг тартибини назорат қилиш учун хавфсизлик камералари ўрнатилган.
Rabois апрель ойида доимий масофадан ишлашга рухсат берувчи энг таниқли компаниялардан бири бўлган Twitter ходимларини ‘‘уйғониш’’ арафасида деб ёзган эди.
Аввалроқ Маск, Безос ва Гейтс йил бошидан бери 115 миллиард доллар йўқотгани ҳақида хабар берилган эди.
Изоҳ (0)