Davlat aktivlarini boshqarish agentligi (DABA) tegishli xususiylashtirish dasturlariga muvofiq Mobiuz’ga egalik qiluvchi Universal Mobile Systems kompaniyasini xususiylashtirish ishlari boshlanganini e’lon qildi.
Barcha qiziqish bildirgan talabgorlardan tijorat takliflarini joriy yil 4-iyul kuniga qadar taqdim etish so‘raladi.
Mobiuz qanday kompaniya?
Universal Mobile Systems MChJ — Mobiuz savdo belgisi ostida 4G LTE, UMTS va GSM standartlari asosida zamonaviy mobil ovozli aloqa va mobil internetga ulanish xizmatlarini taqdim etuvchi O‘zbekistondagi telekommunikatsiya kompaniyasi.
Mobiuz’ning markaziy ofisi Toshkent shahri, Amir Temur xiyoboni, 24-uyda joylashgan. Mobil operator 2014-yildan faoliyatini boshlagan.
2021-yil yakuniga ko‘ra kompaniya 1,1 trln so‘m sof tushum, 96,5 mlrd so‘m sof foyda olgan va umumiy sof aktiv qiymati 1,4 trl so‘m qiymatiga ega.
Joriy yil 1-may holatiga kompaniyaning abonementlar soni 6,6 mln nafarga yetgan.
Avvalroq “O‘zgazloyiha”ning 63,4 foiz davlat ulushi 21,5 mlrd so‘mga sotilgani haqida xabar berilgandi.
Izoh (0)