Dilmurodjon Parpiyev Trast bank’ning qo‘shimcha 8,3 foiz ulushini sotib oldi

Dilmurodjon Parpiyev Trast bank’ning 130,3 million dona aksiyasi egasiga aylandi. Bu “Toshkent” birjasi saytida qayd etilgan.

Bitim 23-may kuni amalga oshirildi. Shu kuni bank aksiyalari bilan yana bitta bitim natijasida Toxir Sharipov ham 130,3 million dona aksiya egasiga aylandi.

KorpInfo Telegram kanalida qayd etilishicha, bitim narxi 231,5 milliard so‘m bo‘ldi. Endi Parpiyev va Sharipov har biri 23,2 foizdan egalik qiladi.

Davlat statistika qo‘mitasi ma’lumotlariga ko‘ra, Dilmurodjon Parpiyev va Toxir Sharipov yana boshqa bir nechta kompaniyalarda ham ulushlarga ega. Ularning orasida ProCab, Alutex va boshqalar bor.

Avvalroq Trast bank 2022-yilning birinchi choragida 128 million sof foyda olgani ma’lum bo‘ldgan edi.