Koronavirus karantini tufayli Xitoyning iqtisodiy o‘sishi 1976-yildan beri birinchi marta AQSHdan ortda qolishi mumkin. Bu haqda Bloomberg xabar berdi.
Xitoy yalpi ichki mahsuloti kamida 2 foizga, AQSH iqtisodiyoti kamida 2,8 foizga o‘sishi kutilmoqda.
Xitoy hukumatining rasmiy prognozida mamlakat yalpi ichki mahsulotining o‘sishi 2022-yilda 5,5 foizni tashkil etadi. O‘rtacha prognoz — 4% dan ortiq.
Xitoy rahbari rasmiylarga mamlakat iqtisodiyoti Qo‘shma Shtatlardan o‘zib ketishini ta’minlash uchun harakat qilish haqida ko‘rsatma bergan.
1970-yillarning oxiridan boshlab, Xitoy “islohot va ochilish” kampaniyasi tufayli yalpi ichki mahsulotning yuqori o‘sish sur’atlariga erishgan.
Biroq bu yil mamlakat iqtisodiyoti koronavirusga nisbatan COVID-zero siyosati tufayli iqtisodiy pasayish xavfi ostida turibdi, bu esa bemorlar bilan aloqada bo‘lganlar uchun lokdaun va karantin joriy etilishini bildiradi.
Inflyatsiyaning o‘sishiga qaramay, Qo‘shma Shtatlar ishchilarni yollash va iste’mol xarajatlarini ko‘paytirish hisobiga o‘sishda davom ettirmoqda.
Mart oyidan beri Xitoyda koronavirus bilan kasallanganlar soni ortib bormoqda. Bir qator viloyat va shaharlarda, jumladan, Shanxayda ishlab chiqarishga salbiy ta’sir ko‘rsatuvchi lokdaunlar joriy etildi.
Aprel oyida Xitoyning xizmat ko‘rsatish sohasidagi ishbilarmonlik faolligi indeksi 2020-yil mart oyidan beri eng past darajaga tushdi.
Avvalroq eng katta zarba Xitoydan kelishi, urush talafotlari natijasida global iqtisodiyot stagflyatsiya xavfi ostida qolayotgani haqida xabar qilingan edi.
Izoh (0)