Коронавирус карантини туфайли Хитойнинг иқтисодий ўсиши 1976 йилдан бери биринчи марта АҚШдан ортда қолиши мумкин. Бу ҳақда Bloomberg хабар берди.
Хитой ялпи ички маҳсулоти камида 2 фоизга, АҚШ иқтисодиёти камида 2,8 фоизга ўсиши кутилмоқда.
Хитой ҳукуматининг расмий прогнозида мамлакат ялпи ички маҳсулотининг ўсиши 2022 йилда 5,5 фоизни ташкил этади. Ўртача прогноз — 4% дан ортиқ.
Хитой раҳбари расмийларга мамлакат иқтисодиёти Қўшма Штатлардан ўзиб кетишини таъминлаш учун ҳаракат қилиш ҳақида кўрсатма берган.
1970 йилларнинг охиридан бошлаб, Хитой «ислоҳот ва очилиш» кампанияси туфайли ялпи ички маҳсулотнинг юқори ўсиш суръатларига эришган.
Бироқ бу йил мамлакат иқтисодиёти коронавирусга нисбатан COVID-zerо сиёсати туфайли иқтисодий пасайиш хавфи остида турибди, бу эса беморлар билан алоқада бўлганлар учун локдаун ва карантин жорий этилишини билдиради.
Инфляциянинг ўсишига қарамай, Қўшма Штатлар ишчиларни ёллаш ва истеъмол харажатларини кўпайтириш ҳисобига ўсишда давом эттирмоқда.
Март ойидан бери Хитойда коронавирус билан касалланганлар сони ортиб бормоқда. Бир қатор вилоят ва шаҳарларда, жумладан, Шанхайда ишлаб чиқаришга салбий таъсир кўрсатувчи локдаунлар жорий этилди.
Апрель ойида Хитойнинг хизмат кўрсатиш соҳасидаги ишбилармонлик фаоллиги индекси 2020 йил март ойидан бери энг паст даражага тушди.
Аввалроқ энг катта зарба Хитойдан келиши, уруш талафотлари натижасида глобал иқтисодиёт стагфляция хавфи остида қолаётгани ҳақида хабар қилинган эди.
Изоҳ (0)