O‘zbekiston Iqtisodiy hamkorlik va taraqqiyot tashkilotining (OECD) soliq maqsadlarida ochiqlik va axborot almashinuvi bo‘yicha Global forumiga qo‘shildi. Bu haqda OECD matbuot xizmati xabar berdi.
Forumning 164-a’zosi bo‘lgan O‘zbekiston soliq maqsadlarida shaffoflik va axborot almashinuvining xalqaro miqyosda kelishilgan standartlarini joriy etish orqali soliq to‘lashdan bo‘yin tovlashga qarshi kurashish majburiyatini oladi.
O‘zbekistonni a’zo sifatida qutlashdan xursandmiz. Forum a’zolarining muntazam ravishda kengaytirilishi xalqaro hamjamiyat uchun soliq shaffofligi muhimligini va hukumatlarning soliq to‘lashdan qochishning oldini olish va kurashish uchun birlashishga qaror qilishini ta’kidlaydi, — dedi Global forum raisi Mariya Xose Gard.
Global forumning maqsadi shaffoflik va axborot almashinuvining xalqaro standartlarini joriy etishdan iborat. U G20 ning barcha mamlakatlari, OECD a’zolari, barcha xalqaro moliya markazlari va ko‘plab rivojlanayotgan mamlakatlardan iborat.
Avvalroq O‘zbekistonda aprel—may oylarida 202 ta maktabda PISA tadqiqotining tajriba-sinovlari o‘tkazilishi haqida xabar berilgan edi.
Izoh (0)