Газ нархи ошиб бораётган бир пайтда Россия бу йил Европадан рекорд даражадаги 100 млрд доллар экспорт даромади олиши мумкин, бу ўтган йилгидан деярли икки баравар кўп. Les Echos нашри таҳлилчилар маълумотларини ўрганиб шундай хулосага келди.
Нашрга кўра, Европа Иттифоқи давлатлари санкциялар, баланд овозда баёнотлар ва эмбарго ваъдаларига қарамай, ҳар куни «Газпром»га 200 млн доллар жўнатади.
Нархларнинг ошиши туфайли Россия бу йил Европага етказиб берилаётган газ учун 100 млрд доллар олиши керак. Бу ўтмишдаги нархлардан деярли икки баравар кўп. Нефть, кўмир ва бошқа хом ашёдан олинадиган даромадлар ҳисобга олинмаган, — дейди Les Echos.Агар Ғарб давлатлари камроқ газ сотиб олса, нархларнинг ошиши етказиб беришнинг кичикроқ ҳажмини қоплайди. Шунинг учун Россия энергия урушининг биринчи босқичида ғалаба қозонди, дейилади нашрда
Эмбарго билан таҳдид қилиниб, лекин ҳеч қандай чора кўрилмади. Европаликлар тузоққа тушиб қолишди ва Владимир Путин бу вазиятда устунликни қўлга киритмоқда, — деб ёзади Les Echos шарҳловчиси.Аввалроқ Европа Россия газини санкцияларни бузмасдан сотиб олиш режасини ишлаб чиққани ҳақида хабар берилган эди.
Изоҳ (0)