Agar AQSH unga xorijiy valyutada xizmat ko‘rsatishga ruxsat beruvchi litsenziyani uzaytirmasa, Rossiya davlat qarzini rublda to‘laydi. Bu haqda Rossiya Moliya vaziri Siluanov so‘zlariga tayanib “Forbes” xabar bermoqda.
Siluanovning aytishicha Rossiyada pul bor, hech qanday defolt haqida gap bo‘lishi mumkin emas.
Uning aytishicha, Moskvaga xorijiy valyutadagi tashqi qarzlarni to‘lash huquqini beruvchi litsenziyaning amal qilish muddati 25 may kuni tugaydi.
“Ular 26-kuni sizda to‘lov huquqi yo‘q deyishadi. Keyin esa ko‘rdingizmi, Rossiya qarzini to‘lamagan deya boshlashadi. Bizda pul bor, rublda to‘laymiz" — deydi Rossiya Moliya vaziriBloomberg avvalroq manbalarga tayanib, AQSH davlat qarzining bir qismiga xizmat ko‘rsatish uchun to‘lovlarni sanksiyalardan chiqarib tashlaydigan litsenziyani bekor qilishi mumkinligi haqida xabar bergan edi. Bu esa Rossiyani defolt yoqasida qoldirishi mumkin.
Rossiya Markaziy bankni xalqaro zahiralarining yarmidan foydalanishdan mahrum qilgan Ukrainadagi urushga javoban qo‘yilgan sanksiyalar tufayli qarz majburiyatlarini bajarishda qiyinchiliklarga duch keldi.
Mart oyi o‘rtalarida AQSH Rossiyaga muddati 25-mayda tugaydigan dollar obligatsiyalarini to‘lashni davom ettirishga ruxsat berdi.
Aprel oyi boshida Rossiya Moliya vazirligi o‘zining tashqi qarzini birinchi marta rublda to‘lab, AQSHni Rossiyaga xorijiy valyutadagi qarz bo‘yicha to‘lovlarni amalga oshirishda sun’iy to‘siqlar yaratishda ayblagan edi.
Siluanov, agar Rossiya sanksiyalar tufayli defolt bo‘lsa, qonuniy choralar ko‘rishga va’da berdi. Uning so‘zlariga ko‘ra, G‘arb davlatlari sun’iy ravishda “texnogen defolt” yaratishga harakat qilmoqda.
Avvalroq Rossiya banki raisi Elvira Nabiullina hech qanday defolt xavfi mavjud emasligini aytgan edi.
Izoh (0)