Yevropa Komissiyasi bugun, 18-may kuni Ukrainaga 9 mlrd yevro miqdorida kredit berishni taklif qildi. Bu haqda Reuters xabar bermoqda.
Bunga sabab qilib Rossiya bosqiniga qarshi kurashayotgan va urushdan keyin qayta qurish siyosatini barpo etmoqchi bo‘lgan mamlakatni saqlab qolish aytilgan.
9 mlrd kredit uchun pul Yevropa Ittifoqi hukumatlarining kafolatlari bilan qo‘llab-quvvatlangan makromoliyaviy yordam mexanizmi doirasida bozorlar bo‘yicha komissiya tomonidan qarzga olinadi.
Biz hozirgacha taqdim etilgan muhim qisqa muddatli yordamni 2022-yilda Ukraina uchun 9 mlrd yevrogacha bo‘lgan yangi favqulodda makromoliyaviy yordam bilan to‘ldirishni taklif qilmoqdamiz, — dedi Komissiya rahbari Ursula fon der Lyayen.Bundan tashqari, u Yevropa Ittifoqi Ukrainaga yordam beradigan yagona tashkilot bo‘lmasligi kerakligini aytdi.
Biz Yevropa Ittifoqiga a’zo davlatlar, xalqaro moliya institutlari va boshqa hamkorlarni birlashtirish maqsadida qayta qurish platformasini taklif qilamiz, — dedi Komissiya rahbari.Avvalroq Ukrainani qayta tiklashga 500-600 mlrd yevro kerak bo‘lishi xabar berilgan edi.
Izoh (0)