Kiyev viloyati minalardan tozalanmoqda, “Azovstal” himoyachilari taslim bo‘lmoqda. Urushning 83-kunidan fotoreportaj
17-may kuni Rossiya va Ukraina tinchlik bo‘yicha muzokara jarayoni to‘xtatilganini ma’lum qildi. Rossiya Oliy qo‘mondonligining buyrug‘iga ko‘ra, Mariupoldagi so‘nggi mudofaa chizig‘i bo‘lgan “Azovstal” zavodida mudofaani ushlab turgan ukrainalik harbiy xizmatchilarning bir qismi taslim bo‘lgan. Shu kuni Rossiya Bosh prokuraturasi Ukrainaning “Azov” polkini terrorchi deb tan olishni va Rossiyada taqiqlashni talab qildi — “Azovstal”dagi mudofaachilar orasida polkning jangchilari ham bor edi. Meduza urushning 83-kunidan olingan eng esda qolarli suratlarni jamladi.
Kiyev va Kiyev viloyati
Kiyevlik ayol bolasi bilan shahar parkidagi okop yonida kaptarlarga don sepmoqda. Rossiya qo‘shinlari poytaxtdan chekinganidan so‘ng, Kiyevga asta-sekin tinch hayot qaytishni boshladi.Foto: Getty Images
Favqulodda vaziyatlar davlat xizmati xodimi Borodyanka yaqinidagi shaxsiy uchastkani minalardan tozalash ishlarini olib bormoqda. Dneprning o‘ng qirg‘og‘ida joylashgan va Rossiya qo‘shinlarining artilleriya o‘qlaridan katta zarar ko‘rgan shahar 1-aprel kuni ishg‘oldan ozod etildi.Foto: Reuters
Ukraina Favqulodda vaziyatlar davlat xizmatining sapyorlari Borodyankada yashovchi keksa erkakning ortidan o‘rmonga kirmoqda, erkak ularni portlamay qolgan snaryad yoniga yetaklamoqda.Foto: Reuters
Sapyorlar Borodyanka yaqinidagi o‘rmonda rus qo‘shinlari tomonidan shaharga qarata uloqtirilgan raketa qoldiqlarini olib chiqmoqda.Foto: Reuters
Ukraina davlat favqulodda xizmati Borodyanka yaqinidan topilgan portlamay qolgan minalar va o‘q-dorilarni nazorat ostida portlatish ishlarini olib bormoqda.Foto: Reuters
Xarkov viloyati
Ukraina Qurolli Kuchlarining yaqinda frontga safarbar qilingan harbiy xizmatchisi qurollarni yig‘ish, qismlarga ajratish va tozalash bo‘yicha videoko‘rsatmani tomosha qilmoqda.Foto: Getty Images
Ukraina qurolli kuchlari harbiylari front chizig‘i yaqinidagi uchastkada soch-soqollarini olishmoqda.Foto: Getty Images
Mariupol. Asirlikka olib ketilayotgan “Azovstal” mudofaachilari
Rossiya konvoyi ukrainalik harbiylar avtobusiga hamrohlik qilmoqda. Ukraina Bosh shtabi buyrug‘iga ko‘ra, ular asirga tushgan — ular himoya qilgan “Azovstal” zavodi so‘nggi haftalarda muntazam ravishda hujumga uchrayotgan edi. Bu rossiyaliklar tomonidan egallangan Mariupolda ukrainlarning so‘nggi qarshilik o‘chog‘i bo‘lib qolayotgandi. So‘nggi ikki kun davomida yuzlab ukrain harbiylari asir tushdi. Ularning barchasi DXR nazoratidagi hududga olib o‘tilmoqda.Foto: EPA
Foto: Reuters
Foto: AP Photo
Foto: EPA
Foto: Reuters
“Azovstal” mudofaasidan keyin rus qo‘shinlariga taslim bo‘lgan Ukraina Qurolli Kuchlarining yarador askariFoto: Reuters
Donbass shimoli
Ukrainaning o‘ziyurar gaubitsasi Donetsk viloyatidagi Sidorovo qishlog‘idagi daladan o‘tmoqda.Foto: AFP
Sidorovo qishlog‘ida yashovchi 84 yoshli biologiya professori Aleksey Polyakov va uning rafiqasi Galinaning oziq-ovqat mahsulotlari saqlanadigan yerto‘lasiga kirish joyi, hozirda bu joydan ular bomba boshpanasi sifatida foydalanmoqda.Foto: AFP
Aleksey Polyakov va rafiqasi o‘zlari qurgan bomba boshpanasida.Foto: AFP
Sidorovo qishlog‘ida yashovchi ayol qutqaruvchilarning zarbalardan vayron bo‘lgan maktab hududini tozalashini kutmoqda. Bino xarobalari ostida ayolning turmush o‘rtog‘i qolib ketgan bo‘lishi mumkin.Foto: AFP
