Агар АҚШ унга хорижий валютада хизмат кўрсатишга рухсат берувчи лицензияни узайтирмаса, Россия давлат қарзини рублда тўлайди. Бу ҳақда Россия Молия вазири Силуанов сўзларига таяниб «Forbes» хабар бермоқда.
Силуановнинг айтишича Россияда пул бор, ҳеч қандай дефолт ҳақида гап бўлиши мумкин эмас.
Унинг айтишича, Москвага хорижий валютадаги ташқи қарзларни тўлаш ҳуқуқини берувчи лицензиянинг амал қилиш муддати 25 май куни тугайди.
«Улар 26-куни сизда тўлов ҳуқуқи йўқ дейишади. Кейин эса кўрдингизми, Россия қарзини тўламаган дея бошлашади. Бизда пул бор, рублда тўлаймиз" — дейди Россия Молия вазириBloomberg аввалроқ манбаларга таяниб, АҚШ давлат қарзининг бир қисмига хизмат кўрсатиш учун тўловларни санкциялардан чиқариб ташлайдиган лицензияни бекор қилиши мумкинлиги ҳақида хабар берган эди. Бу эса Россияни дефолт ёқасида қолдириши мумкин.
Россия Марказий банкни халқаро заҳираларининг ярмидан фойдаланишдан маҳрум қилган Украинадаги урушга жавобан қўйилган санкциялар туфайли қарз мажбуриятларини бажаришда қийинчиликларга дуч келди.
Март ойи ўрталарида АҚШ Россияга муддати 25 майда тугайдиган доллар облигацияларини тўлашни давом эттиришга рухсат берди.
Апрель ойи бошида Россия Молия вазирлиги ўзининг ташқи қарзини биринчи марта рублда тўлаб, АҚШни Россияга хорижий валютадаги қарз бўйича тўловларни амалга оширишда сунъий тўсиқлар яратишда айблаган эди.
Силуанов, агар Россия санкциялар туфайли дефолт бўлса, қонуний чоралар кўришга ваъда берди. Унинг сўзларига кўра, Ғарб давлатлари сунъий равишда «техноген дефолт» яратишга ҳаракат қилмоқда.
Аввалроқ Россия банки раиси Элвира Набиуллина ҳеч қандай дефолт хавфи мавжуд эмаслигини айтган эди.
Изоҳ (0)