Aprel oyida O‘zbekistonda axborotlashtirish va kommunikatsiyalar sohasida 45 ta yangi xorijiy kompaniya tashkil etildi. Bu Davlat statistika qo‘mitasi hisobotida qayd etilgan.
Taqqoslash uchun, oldingi uch oyda 40 ta shunday kompaniya tashkil etilgan.
Bunday o‘sish Ukrainada urush boshlanishi bilan ko‘plab Rossiya va Belarus IT-kompaniyalarining boshqa davlatlarga, jumladan, O‘zbekistonga ko‘chib o‘tishga qaror qilgani bilan izohlanadi.
Bundan tashqari, 1-apreldan boshlab O‘zbekistonda TashRush dasturi ishga tushgan, uning doirasida IT Park xodimlari xorijiy IT-kompaniyalarga o‘z bizneslarini O‘zbekistonga ko‘chirishda yordam berishmoqda.
Avvalroq O‘zbekistonda Rossiya kapitali ishtirokidagi kompaniyalar soni keskin ko‘paygani haqida xabar berilgan edi.
Izoh (0)