Futbol bo‘yicha O‘zbekiston Superligasining 8-turidan o‘rin olgan uchta o‘yin 11-may, chorshanba kuni bo‘lib o‘tdi.
“OKMK” jamoasi “Qizilqum”ga qarshi bahs yuritib, yirik hisobdagi g‘alabani qo‘lga kiritdi. Martin Boakye, Sardor Rahmonov, Siyavash Haqnazari va Xurshid G‘iyosovning gollariga navoiyliklar Pol Komolafening aniq zarbasi bilan javob qaytardi.
“Navbahor” esa safarda “Dinamo” bilan kuch sinashdi. Hakam tomonidan qo‘shib berilgan vaqtda Rustam Ashurmatov tomonidan kiritilgan to‘p o‘yin taqdirini hal qildi.
Yana bir o‘yin “Lokomotiv” va “Qo‘qon-1912” jamoalari o‘rtasidagi kechdi. 19-daqiqada Anvar Hojimirzayev qo‘qonliklarni oldinga olib chiqqan bo‘lsa, ikkinchi bo‘lim debyutida Xurshid Muxtorov muvozanatni tikladi. 90+4-daqiqada Javohir Siddiqov mehmonlarning g‘alaba to‘pini kiritdi.
11-may kungi o‘yinlardan keyin musobaqa jadvali quyidagi ko‘rinishni oldi:
Superliga
8-tur bahslari
11-may, chorshanba
Izoh (0)