“Bunyodkor” bosh murabbiyi Shuhrat Maqsudov iste’foga chiqarildi. Bu haqda klub matbuot xizmati ma’lum qildi.
“Bunyodkor” bunga sabab qilib so‘nggi o‘yinlarda qayd etilgan qoniqarsiz natijalarni ko‘rsatgan. Maqsudov bilan birga murabbiy Aram Ananyan va darvozabonlar murabbiyi Abdusattor Rahimov ham o‘z lavozimidan ozod etilgan.
Viktor Karpenko “Bunyodkor” bosh murabbiyi vazifasini bajaruvchi etib tayinlangan. Bunga qadar u jamoada bosh murabbiy yordamchisi bo‘lib ishlab kelgandi.
Maqsudov 2021-yilning mart oyida “Bunyodkor” bosh murabbiyi etib tayinlangandi. U o‘sha vaqtda O‘zbekiston terma jamoasi sabab klubni tark etgan Vadim Abramovning o‘rini egallagandi.
“Bunyodkor” Superliga joriy mavsumida 8 o‘yinda 11 ochko to‘plagan holda 5-pog‘onada bormoqda.
Izoh (0)