La Liga. “Barselona” 104 daqiqa davom etgan o‘yinda ishonchli g‘alabaga erishdi, Obameyangdan dubl, Dembeleda 2 ta assist
Futbol bo‘yicha Ispaniya La Ligasining 36-turida “Barselona” 10-may, seshanba kuni “Selta” bilan bahs olib bordi.
“Kamp Nou”da o‘tgan bahsda jamoalar umumiy hisobda 4 ta gol urishning uddasidan chiqdi. 30-daqiqada Memfis Depay Usmon Dembelening uzatmasini golga aylantirdi. Birinchi bo‘lim yakuniga kelib, Pyer-Emerik Obameyang oradagi farqni oshirdi.
Ikkinchi bo‘lim avvalida Obameyang dublni rasmiylashtirdi. Ushbu vaziyatda unga Dembele assistentlik vazifasini bajarib berdi. Usmon uchun bu o‘yindagi ikkinchi golli uzatma bo‘ldi. 50-daqiqada Yago Aspas hisobni qisqartirishga muvaffaq bo‘ldi — 3:1.
Shu tariqa “Barselona” o‘z maydonida kechgan o‘yinda g‘alaba qozonib, ochkolari sonini 72 taga yetkazib oldi. Jamoa musobaqa jadvalida 2-o‘rinda bormoqda.
Qayd etish kerak, uchrashuv 104 daqiqa davom etdi. 62-daqiqada Ronald Arauxo jamoadoshi Gavi to‘qnashib ketdi va hushini yo‘qotdi. Shundan so‘ng futbolchini tez yordam mashinasi olib ketdi.
La Liga
36-tur bahsi
10-may, seshanba
“Barselona” – “Selta” 3:1
Gollar: 1:0 – 30 Depay, 2:0 – 41 Obameyang, 3:0 – 48 Obameyang, 3:1 – 50 Aspas.“Barselona”: ter Stegen, Dani Alves (Mingesa, 89), Arauxo (Langle, 68), Erik Garsiya, Alba, de Yong, Gavi, Obameyang (de Yong, 84), Depay (Fati, 64), Dembele, Ferran Torres (Puch, 46).
“Selta”: Dituro, Vaskes (Murilyo, 46), Arauxo, Aydu, Galan, Denis Suares (Fontan, 90), Mendes, Servi (Solari, 90), Beltran (Veyga, 90), Aspas, Galyardo (Tapiya, 60).
Ogohlantirishlar: Erik Garsiya (80), de Yong (90), Alba (90).
Chetlatish: Murilyo (58).
