Футбол бўйича Ўзбекистон Суперлигасининг 8-туридан ўрин олган учта ўйин 11 май, чоршанба куни бўлиб ўтди.
«ОКМК» жамоаси «Қизилқум»га қарши баҳс юритиб, йирик ҳисобдаги ғалабани қўлга киритди. Мартин Боаке, Сардор Раҳмонов, Сияваш Ҳақназари ва Хуршид Ғиёсовнинг голларига навоийликлар Пол Комолафенинг аниқ зарбаси билан жавоб қайтарди.
«Навбаҳор» эса сафарда «Динамо» билан куч синашди. Ҳакам томонидан қўшиб берилган вақтда Рустам Ашурматов томонидан киритилган тўп ўйин тақдирини ҳал қилди.
Яна бир ўйин «Локомотив» ва «Қўқон-1912» жамоалари ўртасидаги кечди. 19-дақиқада Анвар Ҳожимирзаев қўқонликларни олдинга олиб чиққан бўлса, иккинчи бўлим дебютида Хуршид Мухторов мувозанатни тиклади. 90+4-дақиқада Жавоҳир Сиддиқов меҳмонларнинг ғалаба тўпини киритди.
11 май кунги ўйинлардан кейин мусобақа жадвали қуйидаги кўринишни олди:
Суперлига
8-тур баҳслари
11 май, чоршанба
Изоҳ (0)