“Barselona” himoyachisi Ronald Arauxo La Liga doirasida “Selta”ga qarshi kechgan bahsda (3:1) hushini yo‘qotib, o‘yinni oxirigacha davom ettira olmadi.
Urugvaylik himoyachi ikkinchi bo‘limda jamoadoshi Gavi bilan to‘qnashib ketgan. Arauxo to‘qnashuvdan keyin bir necha qadam bosgan, keyinroq maydonga yiqilgan va hushini yo‘qotgan. Shifokorlarning tezkor yordamidan keyin uni tez yordam mashinasi maydondan olib chiqib ketgan.
Katalon klubining bayonotiga ko‘ra, Arauxoda miya chayqalishi yuz bergan. U ayni vaqtda shifoxonada bo‘lib turibdi.
Jurnalist David Bernabeu Reverterning xabar qilishicha, Ronald o‘ziga kelgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)