Koronavirus kasalligi sababli Isroil hukumati mamlakatga kirish istagida bo‘lgan yo‘lovchilar uchun yangi qoidalarni joriy etdi. Bu haqda Uzbekistan Airways xabar qildi.
Qayd etilishicha, Isroilga parvoz qilishdan oldin yo‘lovchilar “Kirish hisoboti” shaklini (amal qilish muddati 48 soat) to‘ldirishi zarur. Shuningdek, mamlakat Sog‘liqni saqlash vazirligidan elektron ruxsatnoma va bortga chiqishdan oldin taqdim etilishi kerak bo‘lgan Green Pass’ni olishi kerak.
Isroildan tashqarida 72 soatdan ortiq vaqt davomida bo‘lgan yo‘lovchilar salbiy PZR testini taqdim etishi shart bo‘ladi. (amal qilish muddati 72 soat). Test ingliz tilida bo‘lishi, ro‘yxatdan o‘tish paytida taqdim etadigan pasportning raqamini o‘z ichiga olishi kerak.
Isroilga yetib borgach, yo‘lovchilar o‘z mablag‘i evaziga PZR tekshiruvidan o‘tadi va test javobi olinmaguncha o‘zini-o‘zi izolyatsiya qiladi.
Isroil orqali tranzitga ruxsat berilmaydi, fuqarolari va rezidentlari bundan mustasno.
Eslatib o‘tamiz, Respublika komissiyasi qaroriga ko‘ra, 16-mart kunidan boshlab O‘zbekistonga kirishda yangi qoidalar joriy etilgan. Unga ko‘ra, mamlakatga kirishda vaksina olgan chet elliklardan PZR test talab qilish bekor qilingan. Bundan avval majburiy ravishda ekspress-test topshirish talabi bekor qilingandi.
Mavzuga doir:
- Uzbekistan Airways Latviyaga kirishda yangi tartib joriy etilganini ma’lum qildi
- Ozarbayjon va Hindistonga kirishda yangi qoidalar o‘rnatilgani ma’lum qilindi
- TIV Misrga kirishda yangi qoidalar o‘rnatilganini ma’lum qildi
- Uzbekistan Airways Janubiy Koreyaga kirishda yangi qoidalar o‘rnatilganini ma’lum qildi
- Uzbekistan Airways AQShga kirishda qo‘shimcha talablar qo‘yilgani sabab fuqarolarni ogohlantirdi
Izoh (0)