Samarqand viloyati Kattaqo‘rg‘on shahrida 28-aprel kuni musiqa maktabida yong‘in yuzaga keldi. Bu haqda viloyat Favqulodda vaziyatlar boshqarmasi xabar qildi.
Qayd etilishicha, shu kuni soat 20:35 da Kattaqo‘rg‘on shahri “Navbahor” MFY Beklar ko‘chasida joylashgan musiqa maktabida yong‘in sodir bo‘layotgani to‘g‘risida shahar FV bo‘limiga xabar kelib tushgan.
Voqea joyiga 2 ta yong‘in-qutqaruv ekipaji jalb etilgan. Ekipaj yong‘inga soat 20:38 da yetib borgan va soat 21:15 da yong‘in to‘liq bartaraf etilgan.
Yong‘in oqibatida musiqa maktabi kirish ayvonining 30 kvadrat metr maydonda shift qismi yonib zararlangan. Hodisada halok bo‘lgan va jabrlanganlar yo‘q.
Hozirda yong‘inning kelib chiqish sababi va keltirilgan moddiy zarar miqdori aniqlanmoqda.
Izoh (0)