AQSH Kongressining Vakillar palatasi Ukrainaga qo‘shimcha yordam ko‘rsatish uchun Rossiya bilan bog‘liq aktivlardan foydalanishga ruxsat beruvchi qonun loyihasini ma’qulladi. Tashabbusni 417 nafar kongressmen qo‘llab-quvvatladi, sakkiz nafari qarshi chiqdi. Kongress quyi palatasi majlisining translyatsiyasi C-SPAN portalida uzatilgan.
Hujjat mualliflarining ta’kidlashicha, tashabbus musodara qilingan 2 million dollar va undan ortiq qiymatdagi aktivlarga, jumladan, Rossiya energetika kompaniyalariga tegishli aktivlarga ham taalluqli. Qonun, shuningdek, Rossiya hukumatiga yordam ko‘rsatish orqali olingan aktivlarga ham ta’sir qiladi.
Musodara qilingan vositalar qayta sotilishi ko‘zda tutilgan va tushgan mablag‘ Ukrainaga harbiy, gumanitar yordam, shuningdek, mamlakat infratuzilmasini tiklash va ukrainaliklarning boshqa mamlakatlarga ko‘chirilishida yordam ko‘rsatishga sarflanadi.
Avvalroq AQSH bosh prokurori Merik Garlan ushbu tashabbusni qo‘llab-quvvatlashini ma’lum qilgandi. Mablag‘larni Ukraina foydasiga yo‘naltirish to‘g‘risidagi qonun mart oyi oxirida AQShning ikki senatori tomonidan tayyorlangan. Ukrainadagi “maxsus operatsiyasi” boshlanganidan keyin Rossiya oltin-valyuta zaxiralarining qariyb yarmi (643,2 milliard dollar miqdorida) G‘arb sanksiyalari ostiga tushdi.
Izoh (0)