Yevropaning 4 ta gaz xaridorlari, Rossiya prezidenti Vladimir Putin talab qilganidek, gaz uchun to‘lovlarni rublda amalga oshirgan. Bu haqda Bloomberg xabar bermoqda.
Polsha va Bolgariyaga gaz oqimi to‘xtatib qo‘yilganidan keyin boshqa xaridorlar ham Kreml shartlarini rad etsa, gaz yetkazib berishdan uzib qo‘yiladi.
May oyining ikkinchi yarmigacha navbatdagi to‘lovlarga xaridorlar uchun chegirmalar kuzatilmaydi.
10 ta Yevropa kompaniyasi “Gazprombank”da Rossiyaning to‘lov talablarini bajarish uchun zarur bo‘lgan hisob raqamlarini ochganligi aytilmoqda.
Polsha va Bolgariyaga gaz yetkazib berish ular “Gazprom” tomonidan taklif qilingan rubl to‘lovlari mexanizmidan voz kechganidan so‘ng to‘xtatildi. Ayni damda Rossiya o‘z quvurlari orqali Yevropaning 23 davlatiga gaz yetkazib beradi.
Yevropa Ittifoqi Rossiyaga Ukrainaga bostirib kirgani uchun sanksiyalar kiritganidan so‘ng, Moskva 1-apreldan boshlab gaz yetkazib berish uchun to‘lovlarni rublda amalga oshirishni talab qildi.
Xaridorlardan gaz yetkazib berish uchun “Gazprombank” tomonidan taklif qilinayotgan yevro va rubl hisoblarini ochish talab qilinmoqda.
Avvalroq Yevropa davlatlari Rossiya gazisiz 6 oy davomida yashay olishi haqida xabar berilgan edi.
Izoh (0)