Mart oyi o‘rtalarida Markaziy bank asosiy stavkani 17 foizga oshirdi. Bu tarixiy voqea bo‘lgan edi — oxirgi marta stavka 2018-yili ko‘tarilgan edi. Bundan tashqari, 2004-yildan beri birinchi marta stavka 16 foizdan yuqori bo‘ldi.
Markaziy bank ma’lumotlariga ko‘ra, mazkur o‘zgarish pul bozoridagi foiz stavkalarida o‘z aksini topgan.
Mart oyining ikkinchi yarmida Uzonia indeksi o‘rtacha 17,2 foiz darajasida shakllangan bo‘lsa, aprel oyining dastlabki yarmida o‘rtacha 18 foizga teng bo‘ldi.
Chorak davomida banklararo pul bozorida faollikning ortishi kuzatilib, o‘tgan yilning IV choragi bilan solishtirganda 1,3 barobarga ko‘p, jami 27,7 trln so‘mlik operatsiyalar amalga oshirildi.
Mart oyining o‘zida pul bozorida jami 12,5 trln so‘mlik depozit operatsiyalari amalga oshirildi va bu likvid mablag‘larga bo‘lgan talabning vaqtinchalik oshganligi bilan izohlanadi.
Banklar tomonidan aholiga taklif etilayotgan muddatli omonatlarning stavkalari ham joriy pul-kredit sharoitlaridan kelib chiqib o‘rtacha tortilgan foiz stavkalar mart oyi yakunlari bo‘yicha 20,9 foizgacha oshdi (yanvar oyida 20,2 foiz).
Bu o‘z navbatida, milliy valyutadagi muddatli omonatlar bo‘yicha o‘sish sur’atlarining qayta tiklanishiga xizmat qilmoqda.
Xususan, aprel oyining birinchi yarmida aholining milliy valyutadagi muddatli omonatlar hajmi 5 foizga o‘sdi (mart oyining mos davrida 1,3 foizga pasaygan).
Umuman olganda, so‘mdagi aktivlar bahosining nisbiy ustunligi sharoitida 20-aprel holatiga aholining milliy valyutadagi muddatli omonatlar hajmi yil boshidan 14 foizga oshdi.
Avvalroq O‘zbekistonda asosiy stavka nimalarga ta’sir qilishi haqida xabar berilgan edi.
Izoh (0)