“Real” hujumchisi Garet Beyl faoliyatini Madridning “Atletiko”sida davom ettirishi mumkin.
32 yoshli futbolchining madridliklar bilan shartnomasi yozda o‘z nihoyasiga yetadi va erkin agent sifatida jamoani tark etadi. “Atletiko” Beylga qiziqish bildirmoqda.
Avvalroq, Garet Uels terma jamoasi mundialga chiqmasa, butsilarini mixga ilishga tayyorligini bildirgandi. Iyun oyida bo‘lib o‘tadigan JCh—2022 saralashi pley-off bosqichi yarim finalida Shotlandiya — Ukraina uchrashuvi g‘olibi finalda uelsliklarga raqib bo‘ladi. Agar jamoa g‘alaba qozona olmasa Beyl faoliyatini yakunlashini ta’kidlagan.
Garet Beyl 2021/22-yilgi mavsum Ispaniya chempionatida 5 ta o‘yinda maydonga tushdi va bitta golga mualliflik qildi. Uelslik futbolchi umumiy hisobda “qaymoqranglilar” safida 258 ta o‘yinda 106 ta gol va 67 ta golli uzatmani amalga oshirgan.
Izoh (0)