«Реал» ҳужумчиси Гарет Бэйл фаолиятини Мадриднинг «Атлетико»сида давом эттириши мумкин.
32 ёшли футболчининг мадридликлар билан шартномаси ёзда ўз ниҳоясига етади ва эркин агент сифатида жамоани тарк этади. «Атлетико» Бэйлга қизиқиш билдирмоқда.
Аввалроқ, Гарет Уэльс терма жамоаси мундиалга чиқмаса, бутсиларини михга илишга тайёрлигини билдирганди. Июнь ойида бўлиб ўтадиган ЖЧ—2022 саралаши плей-офф босқичи ярим финалида Шотландия — Украина учрашуви ғолиби финалда уэлсликларга рақиб бўлади. Агар жамоа ғалаба қозона олмаса Бэйл фаолиятини якунлашини таъкидлаган.
Гарет Бэйл 2021/22 йилги мавсум Испания чемпионатида 5 та ўйинда майдонга тушди ва битта голга муаллифлик қилди. Уэльслик футболчи умумий ҳисобда «қаймоқранглилар» сафида 258 та ўйинда 106 та гол ва 67 та голли узатмани амалга оширган.
Изоҳ (0)