Angliya Premyer Ligasining eng ko‘p maosh oluvchi futbolchilari ro‘yxati e’lon qilindi.
Unga ko‘ra, “Manchester Yunayted” hujumchisi Krishtianu Ronaldu APLning eng ko‘p maosh oluvchi futbolchisi hisoblanadi. Portugaliyalik futbolchi yiliga 31,4 million yevro maosh oladi.
Reytingda ikkinchi o‘rinni “Manchester Siti” yarim himoyachisi Kevin de Bryuyne egallagan. Belgiyalikning maoshi yiliga 24,3 million yevro. Uchinchi o‘rinda “qizil iblislar” darvozaboni David de Xea qayd etilgan. Posbon mankunianliklar safida yiliga 22,84 million yevro maosh oladi.
Ro‘yxatning to‘rtinchi va beshinchi o‘rinlarida ham “Manchester Yunayted” futbolchilari joy olgan. Hujumchi Jeydon Sancho yiliga 21,4 million yevro olsa, himoyachi Rafael Varan 18,6 million yevro ishlab topadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)