“Chelsi” himoyachisi Antonio Ryudiger faoliyatini “Real”da davom ettiradi.
Jurnalist Fabrisio Romanoning xabar berishicha, Madrid klubi 29 yoshli himoyachi bilan 2026-yil iyun oyiga qadar mo‘ljallangan shartnoma borasida kelishuvga erishgan.
Barcha kerakli hujjatlarni imzolashdan oldin ba’zi tafsilotlarni hal qilish qoldi. Nemis futbolchisi may oyida “Real” bilan bitim imzolasa ham bu haqida mavsum so‘ngida rasman e’lon qilinadi.
Avvalroq “Chelsi” bosh murabbiyi Tomas Tuxel Ryudigerning jamoadan ketishini tasdiqlagandi.
Antonio Ryudiger 2021/22-yilgi mavsum “Chelsi” safida barcha musobaqalarda 47 ta o‘yinda ishtirok etib, 5 ta gol va 2 ta golli uzatmani amalga oshirdi. Uning londonliklar bilan amaldagi shartnomasi 2022-yilning yozida o‘z yakuniga yetadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)