Xalq ta’limi vaziri o‘rinbosari Ibrohim Jo‘rayev viloyat xalq ta’limi boshqarmasi boshlig‘i Dilfuza Sadriddinova bilan Jizzaxdagi seldan talafot ko‘rgan 15-umumiy o‘rta ta’lim maktablarida bo‘ldi. Bu haqda XTV matbuot xizmati xabar berdi.
Ma’lum qilinishicha, maktab binosining zarar ko‘rgan qismlari, xususan, tom qismi zudlik bilan ta’mirlash lozimligi yuzasidan tezkor chora ko‘rish boshlangan.
Shuningdek, mas’ullar seldan talafot ko‘rgan pedagog va texnik xodimlar xonadonida bo‘lib, ular holidan xabar olgan. 15-umumiy o‘rta ta’lim maktabining xodimlariga zaruriy oziq-ovqat mahsulotlari yetkazib berilib, zarur yordam ko‘rsatilgan.
20-aprel kuni O‘zbekistonning ayrim hududlarida kuchli yog‘ingarchilik natijasida sel oqimlari va toshqin suvlari yuzaga kelgani to‘g‘risida xabar berilgandi. Jizzax viloyati prokuraturasiga ko‘ra, viloyatda yuz bergan selda 5 kishi vafot etgan. FVVning Gidrometeorologiya xizmati markaziga tayanib ma’lum qilishicha, 20-aprel kuni Samarqand va Jizzax viloyatlarida 1,5 soat yog‘ib o‘tgan yomg‘ir bir oylik yog‘ingarchilik miqdorini tashkil etgan.
Izoh (0)