22-apreldan boshlab O‘zbekistonning Ukrainadagi elchixonasi Kiyev shahrida o‘zining to‘laqonli faoliyatini boshlaydi. Bu haqda Tashqi ishlar vazirligi vakili xabar berdi.
Mart boshlarida Tashqi ishlar vazirligi Ukrainadagi vaziyat tufayli O‘zbekiston elchixonasini boshqa shaharga ko‘chirish masalasi rejalashtirilmayotganini ma’lum qilgandi. “Ayni paytda bizning asosiy ustuvor vazifamiz Ukrainadagi mavjud og‘ir vaziyatni inobatga olgan holda barcha O‘zbekiston fuqarolarini xavfsiz evakuatsiya qilishni ta’minlashdir. Elchixonaning boshqa hududga ko‘chirilishi bu jarayonlar samaradorligini sezilarli darajada pasaytiradi. Shu nuqtayi nazardan hozirda elchixonamizni Kiyevdan ko‘chirish masalasi ko‘rib chiqilmayapti”, — deyilgandi xabarda. Mart o‘rtalariga kelib esa elchixonasi vaqtincha Lvov shahriga ko‘chirilgandi.
O‘zbekiston elchixonasi manzili: Kiyev shahri Vladimirskaya ko‘chasi, 16, 01901.
Telefon: +380 44 501 50 00 (umumiy savollar), +380 44 501 41 81 (umumiy savollar), +380 44 501 41 82 (konsullik bo‘limi), +380 44 501 41 83 (konsullik bo‘limi).
Avvalroq Ukraina prezidenti Vlarimir Zelenskiy xorij elchixonalariga Kiyevga qaytishni taklif qilgandi.
Izoh (0)