A-373 Toshkent—O‘sh avtomobil yo‘lining Qamchiq dovoni hududida 21-aprel kuni yuk mashinasi xandaqqa tushib ketdi. Bu haqda Favqulodda vaziyatlar vazirligi xabar qildi.
Qayd etilishicha, shu kuni soat 15:30 da dovonning 199-kilometrida Vodiy—Toshkent yo‘nalishida harakatlanib ketayotgan DAF yuk avtomashina haydovchisi boshqaruvni yo‘qotib, yo‘l chetidagi xandaqqa (kyuvet) kabina qismi bilan tushib qolgan. Hodisa oqibatida tan jarohati olganlar va halok bo‘lganlar yo‘q.
Voqea joyiga zudlik bilan “Qamchiq” maxsus qidiruv, yong‘in-qutqaruv boshqarmasi qutqaruvchilari yetib borib, tegishli xizmatlar bilan hamkorlikda maxsus texnikalar yordamida yuk avtomashinasini xandaqdan chiqarib olgan.
Izoh (0)