Bugun,

  • USD 11014.01
  • RUB 191.8
  • EUR 10674.78

20-aprel kuni O‘zbekistonning ayrim hududlarida kuchli yog‘ingarchilik natijasida sel oqimlari va toshqin suvlari yuzaga kelgani to‘g‘risida xabar berilgandi. FVVning Gidrometeorologiya xizmati markaziga tayanib ma’lum qilishicha, o‘tgan bir sutka davomida Samarqand va Jizzax viloyatlarida 1,5 soat yog‘ib o‘tgan yomg‘ir bir oylik yog‘ingarchilik miqdorini tashkil etgan.

Foto: FVV matbuot xizmati

Foto: FVV matbuot xizmati

Samarqand, Jizzax, Navoiy hamda Qashqadaryo viloyatlaridan ushbu gidrometeorologik hodisalarni bartaraf etish bo‘yicha kelib tushgan murojaatlarga ko‘ra, yong‘in-qutqaruv bo‘linmalaridan 92 ta maxsus texnika, 20 ta motopompa hamda 758 nafar qutqaruvchi jalb etilgan.

Ma’lumotlarga ko‘ra, yomg‘ir va oqava suvlari Samarqand shahrining 5 ta shox ko‘chasidan o‘tuvchi avtomobillar qatnov qismida, 54 ta ichki ko‘chalar atrofidagi irrigatsiya tarmoqlarida, 20 dan ortiq ko‘p qavatli uylarning yerto‘lalari va atrofida, 84 ta yakka tartibdagi turar joy binolarining yerto‘lalari va hovlilarida, 5 ta umumta’lim (9, 29, 39, 75-son umumta’lim, 1 ta ixtisoslashgan) maktablar hamda Mirzo Ulug‘bek ko‘chasidagi “Ko‘zmunchoq” nomli MTM hovlilari va Narpay ko‘chasidagi “Muz saroyi” binosi ostidagi avtoturargohda to‘plangan.

Yomg‘ir suvlari Samarqand tumanining 4 ta MFYlarida kuzatilib, Bulung‘ur tumani “G‘ubdin” qishlog‘i hududidan o‘tuvchi M-39 Olmaota—Bishkek—Toshkent—Shahrisabz avtomobil yo‘lining 1046 kilometrida o‘rnatilgan d=1500 suv o‘tkazish quvuriga sig‘masdan yo‘l qatnov qismining bir tomonida yig‘ilib qolgan. Yuzaga kelgan holat oqibatlarini bartaraf etish maqsadida yong‘in-qutqaruv bo‘linmalaridan 144 nafar shaxsiy tarkib, 17 ta yong‘in-qutqaruv texnikasi, 11 ta motopompa hamda “Samarqand suv ta’minot” MCHJdan 6 ta maxsus texnika, 14 nafar ishchi-xodim jalb qilingan.

Jizzax viloyati Forish tumanining tog‘li hududlari va adirliklarida kuzatilgan kuchli yog‘ingarchilik natijasida sodir bo‘lgan sel oqimi esa “Egizbuloq” MFYda joylashgan 260 ta xo‘jalikdan o‘tib, ularning 53 tasi to‘liq, 44 tasi o‘rta va 163 tasi yengil darajada talafot ko‘rgan. Qutqaruvchilar tomonidan 6 nafar fuqaro sel oqimlari ichidan qutqarilib, Forish tumani tibbiyot birlashmasiga yotqizilgan. Ushbu hududda shunday sel oqimlari bundan taxminan 80 yillar avval kuzatilgan.

Sel oqimi 15-son umumta’lim maktabi va 9-son maktabgacha ta’lim muassasasi hududiga (binolarning 1-qavatiga) ham kirgan. 1,5 kilometr ichki yo‘llarga sel suvlari toshishi oqibatida transport vositalari harakati vaqtinchalik to‘xtatilgan.

Yuzaga kelgan sel oqimi natijasida “Egizbuloq” MFYda joylashgan 25 ta xo‘jalikda istiqomat qiluvchi 100 dan ortiq fuqaro vaqtinchalik yashash uchun yaqin qarindoshlarining uylariga ko‘chirib o‘tkazilib, ular uchun tuman hokimligi tomonidan hayotiy zarur mahsulotlar zaxirasi tashkil etilgan.

Sodir bo‘lgan favqulodda vaziyatlar oqibatlarini bartaraf etish ishlariga jami 520 nafar huquqni muhofaza qiluvchi organlari xodimlari, viloyat va tuman hokimligi mas’ul rahbarlari, FVDTning hududiy va quyi tizimlari xizmatlari ishchi-xizmatchilari hamda 54 ta maxsus texnika jalb etilgan.

Qashqadaryo va Navoiy viloyatlarida sel oqimlari o‘z yo‘lidan oqib o‘tgan. Sel hududlardagi aholi yashash xonadonlari va boshqa ijtimoiy soha obyektlariga ziyon yetkazmagan.

Hodisa oqibatlarini bartaraf etish ishlari Favqulodda vaziyatlar vazirligi rahbariyati nazorati ostida davom ettirilmoqda.

Izoh
Asosiy yangiliklar
Mahalliy
O‘zbekistonda 6-oktabr kuni qanday ob-havo bo‘lishi ma’lum qilindi
Mahalliy
“10 mln so‘mi direktor o‘rinbosarining plastik kartasiga tushirib berilgan”. Buxoroda maktab o‘qituvchilaridan 31 mln so‘m pul yig‘ildi
Mahalliy
“O‘zbekistonlik sayyohlar yuqori xarajat qobiliyatiga ega” — Tailand O‘zbekistondan ko‘proq sayyohlar kelishini xohlamoqda