Futbol bo‘yicha Osiyo Chempionlar Ligasining 4-turida “Paxtakor” 18-aprel kuni “Ad-Duhayl”ga qarshi bahs olib bordi.
Uchrashuv Qatar klubining yirik 3:0 hisobidagi g‘alabasi bilan yakunlandi. 32-daqiqada Basam Hisham burchakdan oshirilgan to‘pni boshi bilan darvozaga joylab qo‘ydi. Shundan so‘ng “Ad-Duhayl” yana ikkita gol urib, yirik g‘alabani tantana qilib ketdi. Vaziyatlarning har ikkisida ham “Paxtakor” himoyachilarining ishonchsiz o‘yini kuzatildi. Gollarga Maykl Olunga va Almoiz Ali mualliflik qildi.
4-turdan keyin Toshkent klubining ochkolari soni 3 tani tashkil qilmoqda. “Ad-Duhayl”ning hisobida esa 9 ochko mavjud.
Jamoalarning 1-davradagi o‘yini 3:2 hisobida qatarliklarning g‘alabasi bilan yakunlangandi.
OChL
4-tur bahsi
18-aprel, dushanba
“Paxtakor” — “Ad-Duhayl” 0:3
Gollar: 0:1 — 32 Hisham, 0:2 — 45+2 Olunga, 0:3 — 48 Almoiz.“Paxtakor”: 33.Eldorbek Suyunov, 3.Hojiakbar Alijonov, (88.Shahzod Azmiddinov, 86) 6.Ikrom Aliboyev, 7.Odiljon Hamrobekov (18.Hojimat Erkinov, 46), 8.Azizbek Turg‘unboyev, 11.Sardor Rashidov (Mirjahon Mirahmadov, 59), 14.Oliver Sharkich (42.Abbosbek Fayzullayev, 59), 21. Kamen Hajiyev, 23.Sherzod A’zamov, 27.Sardor Sobirxo‘jayev (28.Diyor Xolmatov, 80), 34.Farrux Sayfiyev.
“Ad-Duhayl”: 21.Saloh Zakariya, 2.Muhammad Musa, 4.Tobi Alderveyreld, 5.Bassam Hisham, 10.Edmilson (20.Ali Afif, 62), 11.Almoiz Ali (7.Ismoil Muhammad, 55), 12.Karim Budiaf (8.Luis, 54), 14.Maykl Olunga (17.Abdulrahmon Fahmi, 63), 18.Sulton al-Breyk, 19.Nam Tay Hvi, 23.Assim Madibo.
Ogohlantirish: Sayfiyev (11), Alijonov (42), Madibo (61), Mirahmadov (70), Turg‘unboyev (74), Aliboyev (90+1).
Chetlatish: Mirahmadov (90+3).
Izoh (0)