“Borussiya D” hujumchisi Erling Holand mavsum yakunlanganidan so‘ng “Manchester Siti”ga o‘tishi mumkin.
“Shaharliklar” 21 yoshli futbolchining agentlari bilan kelishuvga erishdi, deya xabar beradi Daily Mail. Unga ko‘ra, norvegiyalik futbolchi haftasiga 500 ming funtdan ortiq maoshga ega 5 yillik shartnoma imzolaydi.
Agar ushbu transfer amalga oshsa, Erling haftasiga 385 ming funt maosh oladigan “Manchester Siti” yarim himoyachisi Kevin de Bryuyneni ortda qoldirib, APLdagi eng ko‘p maosh oladigan futbolchiga aylanadi.
Manbaga ko‘ra, “shaharliklar” hujumchining tovon pulini (76 million yevro) to‘laydi va barchasi rejadagidek ketsa, transfer yaqin haftalarda rasmiylashtiriladi.
Erling Holand 2021/22-yilgi mavsum “Borussiya D” safida Bundesligada 20 ta o‘yinda ishtirok etib, 18 ta gol va 8 ta golli uzatmani o‘z hisobiga yozdirib qo‘ydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)