«Боруссия Д» ҳужумчиси Эрлинг Ҳоланд мавсум якунланганидан сўнг «Манчестер Сити»га ўтиши мумкин.
«Шаҳарликлар» 21 ёшли футболчининг агентлари билан келишувга эришди, дея хабар беради Daily Mail. Унга кўра, норвегиялик футболчи ҳафтасига 500 минг фунтдан ортиқ маошга эга 5 йиллик шартнома имзолайди.
Агар ушбу трансфер амалга ошса, Эрлинг ҳафтасига 385 минг фунт маош оладиган «Манчестер Сити» ярим ҳимоячиси Кевин де Брюйнени ортда қолдириб, АПЛдаги энг кўп маош оладиган футболчига айланади.
Манбага кўра, «шаҳарликлар» ҳужумчининг товон пулини (76 миллион евро) тўлайди ва барчаси режадагидек кетса, трансфер яқин ҳафталарда расмийлаштирилади.
Эрлинг Ҳоланд 2021/22 йилги мавсум «Боруссия Д» сафида Бундеслигада 20 та ўйинда иштирок этиб, 18 та гол ва 8 та голли узатмани ўз ҳисобига ёздириб қўйди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)