“Barselona” La Liganing 32-turida “Kadis”ga qarshi bahsda 0:1 hisobida mag‘lubiyatga uchradi.
Kataloniyaliklarning Ispaniya chempionatidagi 15 o‘yinlik mag‘lubiyatsiz seriyasiga yakun yasaldi. Xavi qo‘l ostida jamoa 4-dekabrdan buyon mag‘lub bo‘lmay kelayotgandi. O‘shanda “ko‘k-anorranglilar” “Betis”ga 0:1 hisobida imkoniyatni boy bergandi.
Shundan buyon “Barselona” Primerada 11 ta g‘alaba va 4 ta durang natija qayd etgan.
Katalonlar “Kadis”ni 4 o‘yindan mag‘lub eta olmayapti. Birinchi davrada jamoalar durangga imzo chekkan edi. 2020/21-yilgi mavsumda “Kadis” o‘z maydonida “Barselona”ni 2:1 hisobida taslim etgan, mehmonda esa 1:1 hisobida durang qayd etilgandi.
Jamoalar bundan oldin 2006-yilda to‘qnash kelgan. O‘shanda “ko‘k-anorranglilar”ning qo‘li baland kelgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)